Sobre o extravío ou a arte de perderse

SINOPSE

Un só sobre a importancia do lugar, sobre o que non se ve pero está, sobre o esquecemento necesario e a arte de perder. Ou de perderse. Un espectáculo de danza-teatro interpretado por Nuria Sotelo baixo a dirección de Ana Vallés, que nos convida a compartir a viaxe a través do espazo interior e exterior dunha muller onde o movemento, o texto, o espazo sonoro, o corpo e os obxectos conxúganse para facernos partícipes da construcción dun lugar, un lugar para quedarse, construción de camiños que non hai que seguir incondicionalmente, da beleza do calar, do que permanece oculto.

Sobre o extravío ou a arte de perderse bríndanos a oportunidade de abandoar a ollada periférica e dispersa á que estamos tan afeitos hoxe en día, para centrarnos en descubrir a sorpresa continua agochada no noso interior, nos obxectos e as accións cotiás, sumerxíndonos nun tempo suspendido e evocador no que algo pode aparecer: unha sorpresa, unha pregunta, unha resposta quizais…