O Concello de Ribadavia, a través da MIT-Mostra Internacional de Teatro, vén de aprobar as bases da edición de 2025, do Premio Abrente, cita indispensable da creación dramatúrxica en galego que este ano chega a súa vixésima edición, consolidándose como un dos principais certames de creación teatral do país.

Este premio conta cunha dotación económica de 4.000€, o apoio na edición do texto gañador e a posibilidade do acompañamento do festival para a súa posta en escena, na medida das posibilidades e dos intereses do autor/a gañadora do mesmo.

Conectado coa memoria e o recoñecemento do pulo cultural da Agrupación Cultural Abrente de Ribadavia e impulsado pola MIT como apoio e fomento da creación galega en diálogo coas relacións internacionais que promove a Mostra, entendida coma un servizo público para a sociedade galega do presente.

O Premio Abrente ao longo das súas edicións, serviu de apoio e voceiro a numerosas dramaturgas e dramaturgos con moi diversa traxectoria e experiencia dende valores emerxentes a figuras xa consolidadas, así deixaron a súa pegada neste premio: Roberto Salgueiro, Antonio Yáñez Casal, Carlos Losada, Manuel Lourenzo, Vanesa Sotelo, Fran Godón, Fernando Epelde, Esther Carrodeguas, Ernesto Is e Xandra Táboas, Roi Vidal, Avelina Pérez, José Luis Baños de Cos, Marcos Abalde, Ernesto Is, Ana Abad de Larriva, Nerea Brey e Alberto Ramos.

Dende o ano 2000, a organización da Mostra instaura este galardón coa finalidade de facer partícipe activamente ao público. Dende entón existe unha tradición consistente na participación da compañía gañadora, dentro das posibilidades, no derradeiro día do festival do ano seguinte.

Este galardón, concedido pola dirección do festival, instaurouse co obxectivo de recoñecer publicamente e resaltar a figura de colectivos ou persoas notoriamente responsables do progreso e do bo labor nas artes escénicas galegas, o que contribúe á modernización e democratización social e cultural.